Estimated Braces Cost – Root Canal Cost – Crown Cost

Gerome : Hi po kapag i roroot canal ang 2 na ngipin at ipapa crown ang 3 ngipin mga magkano po kaya un? Saka pwedi ba mag pa brace kahit ung 3 ngipin ay naka crown? Thanks
Estimate price for 2root canal and 3crown po saka magkano po ang brace ngaun pag taas lng

Ask the Dentist : Una mong pag-isipan kung gusto mo magpabrace. Paraa maging mas simple ang treatment plan sayo ng dentist mo. Para din hindi gawing dikit diikit ng dentist mo ang crowns mo. Oo pwede ka magbraces kahit may crowns ka. Pero depende din sa pagkakagawa ng crowns.

Gusto mo ng estimate ko, kunyari patient kita. Dalawang anterior teeth na RCT, mga 6 thousand. Sa tatlong crowns mo 16 thousand.

Sa braces mo, P35 thousand pataas. Lilinawin ko lang yang pagkakaintindi mo sa braces. Oo may mga dentist na naglalagay ng braces na taas lang. Pero tanungin mo sila kapag may kilala kang dentist na gumawa, saan nila nabasa na pwedeng gawin yun.

Hindi pwedeng upper lang ang lagyan. Hindi din pwedeng lower lang ang lagyan ng braces. Upper at lower ang nilalagyan. Magkatugma yang maxilla ang mandible mo. Unless may kanser yang baba mo at tatanggalin, yun pwede kang lagyan ng braces sa taas lang.

Pwede pa po ba ipasta ang front teeth ko

Charlz : Pwede pa po ba ipasta un front teeth ko. nabali ksi siya!! medjo may butas na kasi siya coz of cavities.. ano po ang magandang solusyon sa ipin ko?thanks in advance 🙂

Ask the Dentist : Malaki ang possibility na involved na ang pulp. Kung involved na ang pulp, ipa-RCT mo tapos crown. Pumunta ka sa dental clinic, at ipatingin sa dentist.

Maganda ba ang jacket

Maganda ba ang jacket

Malu Reyes : Tanong ko lang po. Maganda ba ang jacket sa teeth?

Ask the Dentist : Ang kagandahan ng jacket (dental crown) ay nakadepende sa gagawa at kung anong materyales na pinili mo. Ang gagawa ay pwedeng Prosthodontist at pwede ding ang paborito mong dentist. Ang materyales na pwedeng gamitin ay acrylic o metal ceramic o all ceramic. I-exclude na natin ang acrylic dahil inferior talaga ang acrylic kung esthetics ang pag-uusapan. Ang metal ceramic na kilala ding porcelain fused to metal crowns ay madami ding uri. Ang all ceramic na kilala din sa tawag na all porcelain crowns ay marami ding uri.

Porcelain fused to metal na jacket

Porcelain fused to metal crown. Photo credit: Cost Dentures

Para maging maganda ang crown mo, kailangan mong maghanap ng magaling na dentist na kayang gumawa ng maganda at functional na crown. Natural looking at nagagamit pangngiti, pangsalita at pangkain.

Bukod sa galing ng dentist mo, nakadepende din sa materyales. Mas maganda ang all porcelain crown sa porcelain fused to metal crown. Pero mas mahal ang all porcelain crown, mga 5x or 10x ang halaga kumpara sa porcelain fused to metal.

Natatakot magpabunot ng ngipin

Mary-Ann : Hello! Natatakot na akong magpabunot ng ngipin, kc twice na ako ngpabunot ng ngipin up and down cea sa my bagang on the same side.. But if u are going to check it wala ceang space dun sa pnagbunutan and ung mga tooth na katabi nung mga pnagbunutan is dikit na dikit.. Then ngeon feeling ko parang nag.Adjust dn ung jaw ko kc mnsan nglolock cea.. My koneksyon ba un sa jaw ko ? Or normal lang ba un na ngdidikit ung 2 ngipin na katabi nung pnagbunutan ng ngipin ? Ndi ako makapagpacheck.Up kase walang time.. Busy sa work.. Thanks..

Ask the Dentist : Oo connected yang ngipin mo sa jaw mo. Oo kapag nabungi, gumagalaw paunti unti ang ngipin mong natira sa puwang at unti unting magiging abnormal ang kalagayan ng ipinangkakain at ipinangngingiti mo.

Pagpahalagahan mo. Hindi ka mawawalan ng time sa mga bagay na mahalaga sayo.

Fake Dentist

Sheryl : Hi doc. Fake yata ang dentist ko. Ano ba ang dds?

Ask the Dentist : Hi Sheryl. Apat ang nakikita ko na common DMD, DDM, DDS at BDS. Ang DDS ay Doctor of Dental Surgery. Mga dentist na graduate sa US ang kadalasang may DDS. DMD at DDM ang madami sa Pilipinas. Ang BDS ay madami sa India. Ang gamit nila ay nakadepende kung ano ang ibinibigay na title ng School kung saan sila nagtapos. Pare pareho lang silang Dentist. Para makasiguro ka, laging nakalagay sa dental clinic sa Pinas ang school diploma at PRC Certificate. Required yan ng batas sa Pilipinas.

Dental Braces – Periodontal Problem

Nicole : doc ask ko lang po, plan ko po kc mag pabrace eh for xray pa nman ako. yung case ng ngipin ko is may kulang na 2 sa front teeth ko hindi ako tinubuan taz ung lower gums ko medyo maga daw. ok lang ba na i-brace nako khit hindi pa natritreat yung maga na gums ko? tnx po. eh ang sabi lang nya i-floss ko daw yung gums ko na maga

Ask the Dentist : Kailangan ma-treat muna ang gums mo. Kailangan maayos muna ang periodontal problem bago simulan ang orthodontic treatment.

Mahal ba talaga ang root canal treatment?

Sthepen Cohen : Dok! Kumusta? Sana ay nasa mabuti kang kalagayan. Ang tanong ko po ay: Mahal ba talaga ang root canal treatment?

Ask the Dentist : Hi Sthepen Cohen. Oo, nasa mabuti akong kalagayan. Nasagot ko na ito dati: RCT Cost. Mura ang root canal treatment kung long term ang iisipin mo. Kung ang plano mo ay mabuhay pa ng matagal, mura ang root canal treatment kumpara sa ipabunot mo saka bridge o pustiso. Mas conservative ang onlay or crown para sa na-root canal na ngipin kaysa pustiso sa bunging ngipin. At mas masarap ipangkain ang ngipin o ngipin na may crown kaysa sa bridge o pustiso. Basahin mo na lang ang inilink kong post para sa impormasyon.