Root Canal Treatment (RCT) Endodontics 332

Jenie: Doc, nagkafracture yung isa kong ipin, tabi ng pangil malapit sa mga molars. May pasta siya before pero biglang nagcrack and nabasag ng tuluyan yung gilid, nakikita ko pa yung pasta pero pag kinapa ko ng dila ko, may part na butas. Sumasakit na siya ngayon, pwede pa kaya itong pastahan? kahit parang abot na sa gumline yung fracture? Hanggat maari kasi ayoko pabunot kasi medyo malapit na siya sa front teeth, makikita pag nagsmile ako na may gap. Nung pinapastahan ko to mababaw lang naman siya, kaya taka ako why bigla nabasag. Btw, pinastahan siya i think 2 years ago. Thank you

Ask the Dentist Philippines: Hi Jenie. Base sa pagkakakuwento mo, malamang na nagkaroon ng recurrent caries yang ngipin mo. O pwede ding nagcrack dahil sa may nakagat kang bato sa kanin, o iba pang matigas na bagay. O pwede ding nagcrack lang talaga, dahil siyempre ginagamit mo naman lagi ang ngipin mo. Hehehe! Hindi na yan pwedeng pastahan. Base sa kuwento mo, malamang infected na yan. Ang pwede mong gawin, iparoot canal treatment mo. Kapag sumakit na, ipaRCT mo. Kung infected, hindi pwedeng pastahan lang. Lalala lang yang kalagayan ng ngipin mo.

Ang ginagawa sa RCT, nililinis ang infected na canal, kapag malinis na, lalagyan ng gutta percha pamalit sa infected na soft tissue na inalis sa loob ng ngipin mo.

Pagkatapos ng Root Canal Therapy, depende sa laki ng sira, pwedeng pastahan o lagyan ng dental crown. Sa Pilipinas, ang cost of root canal treatment is P3,000 up bawat canal. Sa premolars, 2 to 3 canals yan. Kaya P3,000 times 2 or 3, kaya equals P6,000 – P9,000 ang gagastusin mo. Ang presyo naman ng dental crown is P5,000 up (mas mura sa probinsya). Read: Dental Crown Cost – http://www.dentalcrown.tv/dental-crown-cost/ and Fixed Dentures – http://www.dentures.com.ph/category/fixed-dentures/ for more info about dental crowns. Dapat porcelain or porcelain fused to metal dental crown ang ipagawa mo ha. Huwag acrylic o plastic jacket. Unless siga ka, pwedeng plastic jacket crown.

Pwede mo rin ipabunot. Pinakamurang paraan.

Sabi mo, “mababaw lang noong pinastahan”. Kadalasan, ang cavity, mababaw lang pag titignan mo sa ibabaw, minsan dot lang sa liit. Pero sa loob, malaki. Malamang hindi yan mababaw. Malaki yan sa loob. Pwede ding mababaw nga talaga noong pinastahan, pero nagkaroon ng caries sa loob at lumaki nang hindi mo napansin. Maihahalintulad mo sa chicharon. Hollow sa loob. Akala mo solid pa, yun pala may sira na sa loob.

Sa Root Canal Treatment nga pala, ini-X-Ray yang ngipin mo. Huwag kang maniniwala sa RCT na walang X-Ray. Ang tamang RCT, may X-Ray. Unless kayang hulaan ng dentist kung ilan ang extra canal at gaano kahaba ang canal ng ngipin mo.

Pwedeng mali ang sagot ko sa tanong mo. Kaya dapat ikonsulta mo sa Dentist at wag mo gawing absolute na tama ang nababasa mo sa internet. Karamihan ng nababasa mo tungkol sa Dentistry sa internet ngayon, hindi gawa ng Dentist. Karamihan sa nababasa mo online ngayon gawa ng simpleng writer lang o kaya mga web developer lang na gusto kumita sa ads.

Hanggang sa muli. Merry Christmas!

332 thoughts on “Root Canal Treatment (RCT) Endodontics

  1. Reply mhadz Diozn Sep 26,2013 10:28 am

    7 canals daw po..magkano po ba and dentist’s fee for rct?

  2. Reply mhadz Diozn Sep 28,2013 10:14 am

    Doc,what po name mo and where po clinic mo?

  3. Reply mary Sep 28,2013 8:07 pm

    doc ano ba yung ginagawa para hndi mangitim yung ngipin after RCT?

  4. Reply gelly Oct 9,2013 2:04 pm

    doc yung ngipin ko dati after i root canal nangitim. ganun po ba talaga kasi takot na ko magparootcanal ulit kung ganun

  5. Reply Keen Oct 21,2013 10:04 am

    Good day doc mag tatanong? nag pa check up po kasi ako sa dentist din sabi nya need ko daw ipa root canal yong ngipin ko kasi may sira po kasi at nag karoon ng discoloration then nag pa tingin ako sa isa pang dentist ang sabi nya naman mag pa jacket nalang daw ako kasi sayng daw po yong ngipin kasi papatayin daw yong nerve pag pina rootcanal bale yon na nga po ang ginawa ko nag pa jacket na po ako tapos may jacket na yong mallit na ngipin po na foundation ng jakcet may itim pa din at pero tinuloy nya pa din kinabukasan may tumubong mallit na bukol sa taas ng aking ngipin sa gums po sya then medyo masakit. Ano po ba yong dapat gawin doon doc? Salamat

    • Reply Ask the Dentist Oct 21,2013 7:02 pm

      Tama yung unang napuntahan mong dentist. Ang gagawin diyan ay ipaxray mo. Para makita kung kaya pang humawak ng crown yung ngipin mo. Ipatanggal ang jacket crown. IpaRCT mo. Tapos gagawan ka ng bagong crown.

  6. Reply VECO Oct 22,2013 2:39 pm

    hi doc. ask ko po kung saan ako mas makakatipid na root canal treatment. RCT na per canal ang fee or RCT na per unit and fee? Incisor teeth po yung may problem and naka plastic jacket po ako right now. Dati pong porcelain jacket yung 4 na ngipin sa baba pero pinalitan ng plastic kse laging natatanggal yung bracket. Missing na rin po yung 1 ngipin under ng jacket.Thanks and more power.

    • Reply Ask the Dentist Oct 23,2013 1:42 pm

      Makakatipid ka sa pamamagitan ng pagtatanong sa mga dentist na mabisita mo. Pero wag ka maghanap ng pinamura, mapapahamak ka dahil kapag mura, low quality ang dental treatment.

  7. Reply Eugene Oct 25,2013 11:25 am

    Hi po Doc, first time ko po dito, ask ko po kung bakit po matindi ang pain sensitivity ko sa bandang left part ng mouth ko particularly ung mga bandang before wisdom tooth, pag kumain/uminom me malamig masyadong masakit at parang nagssteady ung sakit minsan nawawala, so pag sumasakit mefenamic acid iniinom ko, ano po kaya ang dahilan nito Doc. Please advice po. More power po sa inyo God Bless po…

  8. Reply L Oct 26,2013 3:33 pm

    wow! Doc, sobrang tuwa ko at nadiscover ko tong page na to. :)

  9. Reply Yana Oct 30,2013 3:58 pm

    Doc, ano po ba ang dapat kong gawin, nagpapasta po ako sa gitna ng dalawang ipin ko sa harap. Pagkatapos pong pastahan sumakit po ng sobra kaya tinanggal, namaga po.. tapos nung pinabalik ko na hindi na po sumakit.. nag-iba na po ako ng dentist pinapalitan ko po ulit ung pasta ko kse nangingitim tapos nangitim po ulit ngayon sabi po ng dentist iparoot canal ko na daw po. magkano po kaya aabutin? may iba pa po bang paraan para maging maayos? salamat po

  10. Reply jhedz Nov 10,2013 9:56 pm

    hello po. doc ask ko lang po if my ession po ba ang pagpaparoot canal? ilan beses po ba ginagawa un? salamat po..

  11. Reply Shaun Nov 19,2013 12:47 am

    Doc, may possibility ba na ung nag-caucause ng back neck pain ko eh dahil may cavities ako sa ngipin?

  12. Reply Danice Dec 19,2013 10:49 pm

    Doc ang last tooth ko po sa left side ay medyo sumasakit na po eh, hindi na po ba talaga toh pwede pastahan? Gusto ko po sana mgpa RCT nlang agad pero wala pa po kse akong extra money for the cost. Ano po dapat kong gawin? Salamat.

  13. Reply aL Jan 2,2014 3:38 am

    Doc, I’ve got braces nung March. Nung 3rd month sumakit ung 2nd Molar ko sa left baba. Pinastahan na ung molar na un dati pa at ntanggal un tapos pinastahan ulit nung nagpabraces ako. Bawat pagpasta nun I really feel tremendous pain kasi mejo malalim na sya or so. I remember nung natanggal ung pasta dun ung mga pagkain na kinakain ko finifill un. On the 3rd month ng braces ko sumakit sya pero nawawala rin pag umiinom ako ng gamot o kaya bigla nalang nawawala. On the 4th month ng braces nasakit na sya biglaan and whenever I eat or drink hot or cold foods. Sabi ng dentist ko iRCT pero sabi nya obserbahan pa. I don’t know doc kung ipaparoot canal ko o hindi. Kasi, bukod sa sakit hindi ko alam kung how much would it take. And halos everyday na sya nasakit this season at di na sya nakukuha ng gamot, And, doc dapat bang ipush ko na ang pagpaparootcanalT?

    • Reply Ask the Dentist Jan 2,2014 9:57 pm

      May 3 option ka.
      1. Magpaka-Spartan ka. Wag mo iparct at wag mo ipabunot, tiisin ang sakit at hintaying maging malalang malala ang ngipin mo hanggang ikamatay mo.
      2. IpaRCT mo.
      3. Ipabunot mo.

  14. Reply Suzanne Bondoc Jan 22,2014 7:03 pm

    Ang galing naman ng doctor. free consultation.
    Tanong q lang po.. Kelan po ba na ixxray ang na root canal. after lagyan ng gamot?

  15. Reply CHelle AnNe Jan 22,2014 8:18 pm

    doc, nagpapasta po ako mga 2months ago lang… ngaun po bigla nalang namaga ngipin ko.. ung pinastahan.. central incisor… pumunta ako ng mga clinic, isi-nagest nga RCT. may nag suggest pabunot ko na daw..
    sbi kc ng dentist na tumingin,, super infected na daw ung nerve ng ngipin ko, affected pa naman lahat ng ngipin ko ng maga…
    .. gusto ko rin snang ipabunot nlang kaso, ganun din kac mapapagastos sa pag bunot and pagawa ng pustiso…

    ano ba magandang gawin… tnx po.

  16. Reply sbondoc26 Jan 24,2014 10:23 pm

    Doc, pwede pa po kaya ako mag back out kung nalagyan napo ng gamot ang papa root canal ko. nagdadalawang isip po kasi ako..

    Iniisip ko din po, kung mahirap ba mag pagawa ng denture kung my abnormal growth ako ng bone sa lower pallate q.

  17. Reply Marie Apostol Jan 27,2014 3:14 am

    Hi Doc, advised ng dentist ko naRCT na yung isa kong molar. Ang concern ko po, masakit po ba talag ang RCT procedure? Yan po kasi ang lagi kong naririnig. Although my dentist told me may anethsia during the procedure. He also said sasakit ng one day after mag wear off yng anesthesia pero kaya daw po ng pain reliever. I guess takot lng ako sa pain kasi me trauma ako sa dentist simula nung maliit ako pero pilit kong nilalabanan evrytime pupunta ako sa dentist dahil ayokong makaramdam ng same trauma ang anak ko. Usually po kasi sabay kami lagi mag visit sa dentist.

  18. Reply roxane Feb 4,2014 9:53 pm

    doc, magkano po kaya ung mag pa root canal ng molar, masakit po pala ung ngipin ko po pinastahan nya sa gilid lalong napasama ano ba dapat ko kayang gawin po pa root canal ko po ba?

  19. Reply jessica Feb 7,2014 6:07 pm

    i prefer to have a denture.. massive severe tootahche na po kc yung nararanasan ko as of now.. dun po yun sa pinastahan skin katabi ng 2 front tooth.. mga mgkano po ba yung denture para po sa one tooth? and pwd po ba bunutin ng dentist khit maga?

  20. Reply Jo Feb 14,2014 12:48 am

    Hi doc, yung lateral incisor ng boyfriend ko kasi medyo pudpod na. Is it eligible to undergo RCT pa rin ba or extraction na ang kailangan? Ayaw nya kasi mag dentures, mas mahal naman ang implant.

  21. Reply Camille Lloren Feb 25,2014 7:24 pm

    hi doc, ilang araw na din sumasakit ngipin ko sa may bagang. 3years ago nagpapasta ako sa pagkakaalala ko permanent cement filling yong ginamit, kapag po ba ganun kailangan ng bunutin yong tooth ko o pwede pa masave? tnx doc

  22. Reply Jessie Alarcon Mar 4,2014 4:43 pm

    Hi Doc
    Ask ko lang po kung 2 or 3 canals ba ang affected sakin.
    Yung affected po ng pagkasira ng ngipin ko at tatlo. Puro front teeth po. yung pinaka nasa unahan na dalawa at yung katabi ng isa na nasa kanan.
    Ilang root canal po ba lahat yun 2 or 3?

  23. Reply mara Mar 27,2014 12:10 pm

    Doc sumsakit po yung pangalawa sa dulo na bagang ko sa ibaba sa kanan, pati po yung sa
    taas na katapat nya sumakit na din pero wala naman ako makitang butas, 5 days na po itong sumasakit mula nung nilagyan ng teporary pasta, pero yung bagang ko nasa 1 yr na may butas ngayon ko lang pina denitista, Nilagyan po muna ng Temporary pasta for 2weeks, pag sumakit daw po bubunutin na, Pwede pa ba to ma save
    or kung pwde po ba yung naisip namin na Ipa bunot nalang po, tapos po magpabrace ako para
    hindi po maghiwa hiwalay yung ayos ng ngipin ko? Bakit din po kaya sumasakit yung katapat nya sa taas?

  24. Reply jazz Apr 8,2014 10:41 am

    doc naputol ung ipin ko sa harap sa taas, nahati sya sa gitna pahiga, magkanu kaya magagastos ko pag pina rootcanal ko? hindi na dw sya madadaan sa jacket eh.
    pls reply

  25. Reply Vee Apr 10,2014 12:18 am

    doc, ask ko lang po infected po sya ngayon pero yung ngipin ko po sa bagang eh sira na, parang base nalang yung natitira ano po pdeng option para maayos po to? pd po bang patanggal nalang? thanks in advance po.

  26. Reply James Apr 15,2014 3:00 pm

    Doc,gusto ko sana mag RCT dyan sa pinas.. may mairerekommenda ka ba na clinic dyan sa maynila or sa cebu? May kamahalan kasi d2 sa Singapore. mga 2K SGD sa isang molar lang. tanong lang doc kung ilang weeks o buwan yung RCT aabutin? Approximate kung ilang weeks yung gap ng per session ng RCT para mapaghahadaan o medesisyonan ko rin kung makakamura ako dyan kaysa d2 na lng ako mag RCT. maraming salamat po doc in advance sa sagot nyo po.

  27. Reply clarisse Apr 20,2014 11:06 am

    doc. may bulok po kasi akong ngipin sa bagang. di pa po sya butas. pwede na po ba yung ipapasta? Saka po napansin ko po parang nabubulok din po yung ilalim na part. ano pong pwedeng gawin? pwede pa rin po bang pasta or bunot na?

  28. Reply carmell Apr 24,2014 6:46 pm

    hello po…ask ko lang po kung mgkano mgpabunot ng pulp tissue?

  29. Reply carmell Apr 24,2014 6:48 pm

    may iba pabang remedy aside sa root canal? sira na kc ang ipin ko..lumabas na kc ang pulp tissue ko..inflamed na ata..ano po ba ang dapat kong gawin?

  30. Reply Angel Apr 25,2014 12:33 pm

    Doc, Possibly bang tanggalin ulit yung CROWN? I mean na root canal na yung ngipin ko pero ang masaklap ay di tugma ng kulay.. Masyadang maputi yung crown since porcelain sya. Possibly kaya doc? :/ and how much it will cost na? thank u

  31. Reply Jennilyn custodio Apr 25,2014 3:10 pm

    Hi doc ask ko lng po masama po ba n nag pa bunot ka tas my naiwang ipin n maliit anung magiging epekto nun …. Txn doc pls answer my ques!!?

    • Reply Ask the Dentist Apr 26,2014 6:24 am

      Possible na sumakit. Kung malakas ang immune system mo, pwede ding hindi sumakit at unt unti lilitaw palabas at magiging madali para sa next dentist mo na bunutin yun. Pwede dng lumala ang impeksyon.

  32. Reply Jennilyn custodio Apr 25,2014 3:13 pm

    Anu pong magiging epekto nun pag hindi ko pinatanggal ????

  33. Reply Angelika May 1,2014 3:15 pm

    doc , isa pong ngipin ko sa harapan ang kelangan ipa root canal. Naisip ko po na magtanong tanong sa ibang clinic kung magkano ang RCT nila kasi wala po akong idea tungkol don,sa unang pnuntahan ko po kasi 10K+,dun po sa pangalawa 3,500 lang pero di kasama yung jacket. ask ko lang po sana kung magkano po yung kadalasan na presyo ng RCT at tska kung may marerecommend po sana kayo na clinic na nagsspecialize dun. thanks doc!

  34. Reply Kim Mae Jun 13,2014 9:00 pm

    Doc .. naguguluhan po ako kung bunot or RCT ang gagawin sa apat na ngipin ko.. nakakahiya po kasi ung dentures.. kaya i think ..RCT nalang ako .. how long will it take po?..safe po ba?

  35. Reply bon Jun 25,2014 9:46 am

    i had my tooth undergo RCT last year. Just 3 weeks ago, the same tooth had been undergone RCT again because it was aching. the doctor said it was because of bone infection as seen in the x-ray. right now, it began aching again (just 3 weeks after the second RCT). i plan to go back to the dentist. but do you think i should be charged again if a 3rd RCT is done (considering that the last one was just 3 weeks ago)? thanks.

    • Reply Ask the Dentist Jun 26,2014 2:37 am

      Noong unang RCT, anong nilagay pagkatapos? Noong pangalawang RCT, may x ray ka? Usually, after 3 weeks may masakit pa dahil naghiheal pa yang area na may radiolucency. Matapos malinis ang canal hindi biglang maghiheal na mala-Wolverine ka or Spartan warrior. Possible ding may canal na mahirap makita sa x ray. Kaya kung may malinaw kang x ray after 2nd RCT, isend mo sa FB ko. Within 4 – 6 weeks after RCT dapat may final restoration na yan na crown: http://www.denturesaffordable.com/final-restoration-for-endodontically-treated-tooth/ . Dapat hindi sumubra ng 4 – 6 weeks bago malagyan ng crown.

  36. Reply Carisame Borsigue Jul 10,2014 9:00 am

    Hi doc, yung ipin ko po sa harap, 4 nakapasta lahat for 8 years. ang kaso natanggal po yung pasta sa pagitan ng ipin ko sa harap (center) paano po kaya ang dapat kong gawin? ipa-RCT? magkano po kaya iyon? tsaka sobrang sakit ba compare sa procedure ng pagpapa-pasta?

  37. Reply Carisame Borsigue Jul 10,2014 9:05 am

    doc pahabol lang, incomplete kasi, yung ipin ko sa harap itaas banda. hindi pa po kasi ako nakakapa-pacheck up sa dentist.

  38. Reply Mikko Lerios Aug 2,2014 7:13 pm

    pwede pa bang ipapasta ang sirang ngipin at sumasakit??

  39. Reply Weng Aug 5,2014 12:38 pm

    Doc qawsan po ba murang mag pa root canal,,kc sumsakit na yung pasta ko,,ayaw ko na mabunutan wala na ako bagang ang pangil yung nasira,,at anu po ba ang RCT

  40. Reply Marky Aug 12,2014 11:44 pm

    hi doc, masakit po ba ang pagpa root canal?

  41. Reply Dee Aug 15,2014 9:19 pm

    HI Dr, question po. yugn gilid ng mga ngipin ko ang rupok niya at madali nabubutas kaya ang dami kong filling sa ngipin. Nagsisi nga ako kasi hindi ko naalagaan ang ngipin ko nung bata ako at ngayon late na. Ang dami ko ng teeth na nextract.. Pwede pa rin ba ako mag braces para magtuwid ang ngipin ko kahit kulang kulang na?

  42. Reply em Aug 22,2014 8:32 am

    doc magkano po kaya magagastos ko overall pag nagparoot canal ako, isang ngipin lng po sa harapan katabi ng pangil

  43. Reply dina Aug 23,2014 7:30 pm

    anu po pwedeng pamalit sa pustiso bukod sa dental implant ?

  44. Reply rhon Sep 5,2014 2:40 am

    Doc magkano po kpag jacket tpos root canl tpos may ilalagay n bakal o post s ngipin q singil skin 9000 mhal n po b un?

  45. Reply wizkhaleesi Sep 19,2014 3:20 am

    Doc need ko na ba ipa root canal ngipin ko? I think yung second pre molar sya. No pain pero may butas na ang may maliit na abcess na sya. Maga magkano po kaya ang magastos?. May ma recommend ba kayo magaling na dentist kasi natatakot na po magpagawa if ever di pa sanay. Syang pati ang bayad.. o kaya sa inyo na lang.. hehe . Thank you

  46. Reply eugene albao Sep 19,2014 11:36 am

    Hi Doc, Tulad ng iba mag tatanong din po ako, regarding sa front tooth ko, meron akong discolored teeth isa sa 1,2, tooth ko kusang gumaling after ko mag take ng antibiotic,nag pa medical ako kasi requirement sa work, then dun sa dental ni required na pastahan yung mga dapat pastahan at kasama ang cleaning with molar extraction dahil sobrang sira narin, then a week ago po kumikirot at sensitive na yung katabi ng tooth ko sa 1,2 na hindi discolored, binalik ko po sa dentist ko then inulit nya yung pasta at sinabi nya kun sasakit ulit ay i RTC na, mga mag 2 weeks ago na yun last akong bisit sa dentist yun pain na paulit ulit mawawala at babalik halos nararanasan ko ngayon sa araw araw sa front teeth sobrang sensitive like pag hihigop ako ng mainit na soup, minsan yun lahat ng gawing left side na mga ngipin ko sumasakit din, dapat na po kaya itong i rtc, medyo mahal po kasi ang rtc, ilan po ba ang canal ng front tooth, salamat Doc and more power

    • Reply Advanced Dentistry PH Sep 19,2014 12:26 pm

      Base sa sintomas na sinabi mo… Yes, rct. Mahal? Hindi. Una sa lahat, kung ipapabunot mo yan… In the next few years, maghahanap ka ng kapalit niyan which may be implant, fixed bridge, or removable denture. If you choose to save it by undergoing root canal treatment… You save yourself from further expenses. Tandaan mo na kapag na nawala yang front teeth, hindi mo na maifaflash ang killer smile mo. Isang canal typically ang front tooth.

      • Reply eugene albao Sep 19,2014 12:41 pm

        Salamat Doc. atleast nakita ko ang possible worst case scenario kun mali ang maging decision ko, anyway more power po! and God Bless you more!, I’ve been looking for some learning in root canal procedure and I found more interesting with your useful advice, : )

  47. Reply maria herdel Sep 27,2014 10:35 am

    Doc.pano kapag nasira na yung ngipin sa taas yung sa malapit sa gitna dalawang butas po nakakhiyan po kasing tuwa at ngumiti sa mga kaibigan ko sira na nga at bulok pa.
    Pati rin po yung dalawa ko ng bagang sa left po kita o labas na yung laman at sa right nmn po butas na nawala n po yung pasta niya after 2 or 3 years.
    Pati po yung gitna ata sa taas bka po masira na din.
    Magkano po kung ipapa root canal ko yung ngipin ko sa taas at ipapaayos po yung dalawa kong bagang?

  48. Reply Daniel Lynn Oct 8,2014 9:56 pm

    Doc, ano po ba ang dapat gawin pagnamaga ang niroot canal?

Leave a Reply

%d bloggers like this: