Walang matibay sa batong malaki

Ask the Dentist: Noong bata ako, uso pa ang tirador. Minsan, nagkaroon ng payabangan. Kanino ang may pinakamatibay na tirador. Syempre payabangan, mas matibay ang tirador ng bawat isa, kanya kanyang papuri sa kanyang kanyang tirador.

May tirador na gawa sa nara. May tirador na binili sa palengke. May tirador na gawa sa puno ng kaimito. May tirador na gawa sa puno ng bayabas. May tirador na gawa sa bakal.

May nagsuggest na testingin ang mga tirador para mapatunayan. Babagsakan ng malaking bato ang bawat isang tirador. Kung anong tirador ang hindi nabali, syempre siyang pinakamatibay.

Nabali ang gawa sa nara. Nabali ang tirador na binili sa palengke. Nabali ang tirador na gawa sa puno ng kaimito. Nabali ang tirador na gawa sa puno ng bayabas. Hindi nabali ang tirador na gawa sa bakal.

Ang tawa ng kaibigan ko. Pinagyabang niya pang lalo. Ang ika, “Sabi ko sa inyo eh ang tirador ko ang pinakamatibay. Sige bagsakan niyo pa ulit ng bato.”

Binagsakan ulit ng malaking bato. Hindi nabali.

Tuwang tuwa ang kaibigan ko. Lalo pang yumabang. “Wala pala ang mga tirador niyo eh. Bagsakan niyo pa.”

AT binagsakan pa ng malaking bato.

Nabali.

Halatang nangingilid ang luha sa kanyang mga mata. Habang tinatagni ang hating tirador.

Moral lesson
Walang matibay na tirador sa batong malaki. 🙂

2 thoughts on “Walang matibay sa batong malaki”

Leave a Reply